Belgili jýrnalıs Qasym Amanjol prezıdent Qasym-Jomart Toqaev bılikke túrli manıpýlásıamen kelgen degen pikirde. Bul týraly ol  «Qasqa Jol» ıýtýb kanalyna bergen suhbatynda aıtty.

– Men ol adamdy (Q.Toqaev - red.) prezıdenttik orynǵa túrli manıpýlásıalarmen kelgen adam dep esepteımin. Sebebi ol adamdy Nazarbaevtyń ózi ornyna murager retinde tastap ketýi de, 1,5 aıdan keıin  ile-shala ótken saılaý da, munyń bári kóptegen zańbuzýshylyqtarmen boldy. Sol sebepten onyń zańdyq kúshi men úshin joq. Biraq ol fakt boıynsha prezıdent. Endi basqa eldiń prezıdentteri moıyndady. Prezıdenttik orynda otyr, prezıdenttik sheshimder qabyldap jatyr.

Sondyqtan ony prezıdent deısiń. Men ózim jeke Qazaqstan azamaty retinde,  osyndaı úlken manıpýlasıalardan keıin bılikke kelgendikten ony "prezıdent" dep eseptemeımin.

Qoǵamda osy qazirgi bıliktiń 30 jyl boıy júrgizip kelgen saıasatyna úlken kúmánmen qaraıtyn, ábden bir ǵana adam men bir áýlettiń bılep  otyrǵanyn moıyndaǵysy kelmeıtin ar-uıaty bar azamatshyl qoǵam men azamattar bar ekenine senemin. Ondaı azamattar kóp dep oılaımyn, – dedi Qasym Amanjol.