Shymkentte Qazaqstan Respýblıkasy Táýlesizdigi 30 jyldyǵynyń qarsańynda A.Asqarov atyndaǵy dendrologıalyq saıabaqta kezekti senbilik ótti.

Oǵan saıabaq jumysshylarymen birge qalalyq jaıly ortany damytý basqarmasynyń mamandary, «Jasyl el» respýblıkalyq qoǵamdyq birlestiginiń Shymkent qalasyndaǵy eńbek jasaqtary, dinı birlestikter men buqaralyq aqparat quraldarynyń qyzmetkerleri qatysty. Tazalyq sharasyna qatysýshylar jasyl aımaqtardy, aryq-atyzdar men jaıaý júrginshi joldaryn kúzgi japyraqtar men qoqystan tazartty. Sondaı-aq, olar dendrosaıabaq aýmaǵyna aǵash otyrǵyzdy.

Aıta keteıik, Shymkent qalasy ákimdiginiń qalalyq jaıly ortany damytý basqarmasy turǵyndardy shahar tazalyǵyn saqtaýǵa, kópqabatty turǵyn úılerdiń aýlasyn, úı mańy men kóshe boılaryn taza ustaýǵa shaqyrady.