Aqmola oblysy Shortandy aýylynda gaz balonnyń jarylýynan zardap shekken 13 jastaǵy bala qaıtys boldy. Bul týraly Nur-Sultan qalasynyń qoǵamdyq densaýlyq saqtaý basqarmasy habarlady.

"Shortandy aýylyndaǵy jarylystan zardap shekken 2009 jylǵy bala 20 qarasha saǵat 21:34-te Nur-Sultan qalalyq balalar aýrýhanasynyń jansaqtaý bóliminde kóz jumdy. Bala denesiniń 70%-yn kúıik shalǵan" delingen basqarma taratqan habarlamada.

Eske sala keteıik, Aqmola oblysyna qarasty Shortandy aýylynda gaz balony jarylyp, úsh adam qaza taýyp, kúıik shalǵan 10 adam aýrýhanaǵa jetkizilgen. Onyń ishinde beseýi bala bolǵan.

Qaıǵyly oqıǵa 16 qarashada Shortandy aýylynyń Lıneınaıa kóshesinde bolǵan. Órt kazarmalyq úlgidegi páterden shyǵyp, shatyrdy jalyn sharpyǵan. Órt aýmaǵy shamamen 350 sharshy metrdi quraǵan.