Amandyq Batalov Almaty oblysynyń ákimi laýazymynan bosatylyp, onyń ornyna Qanat Bozymbaev taǵaıyndaldy.

Atalǵan qyzmetke Batalov 2014 jyldyń 20 tamyzynan bastap kirisken.

Qanat Bozymbaev buǵan deıin prezıdent kómekshisi qyzmetin atqarǵan.

Qanat Bozymbaev 1969 jyly Almaty qalasynda dúnıege kelgen. 1993 jyly Qazaq memlekettik basqarý akademıasyn ekonomıs mamandyǵy boıynsha támamdaǵan.

Eńbek jolyn 1993 jyly "Edem LTD" jaýapkershiligi shekteýli seriktestiginde ekonomıs bolyp bastaǵan. 1994-1997 jyldary Almaty qalasy ákiminiń kómekshisi.

1997 jyly "Almaz jáne Kompanıa" kompanıasynyń ekonomıkalyq máseleler jónindegi dırektory, Qazaqstan Respýblıkasy Ekonomıka jáne saýda mınıstrliginiń óńirlik saıasat bóliminiń basshysy.

08.1998-03.2000 jyldar aralyǵynda Qazaqstan Respýblıkasy Energetıka, ındýstrıa jáne saýda mınıstrliginiń munaı jáne gaz departamentiniń basshysy.

03.2000-12.2000 aralyǵynda Qazaqstan Respýblıkasynyń Energetıka, ındýstrıa jáne saýda vıse-mınıstri.

05.2001-08.2007 jyldar aralyǵynda "KEGOC" ashyq aksıonerlik qoǵamynyń prezıdenti.

30.11.2009-12.2013 jyldar aralyǵynda Jambyl oblysynyń ákimi. 12.2013-25.03.2016 jyldar aralyǵynda Pavlodar oblysynyń ákimi.

25.03.2016-18.02.2019 jyldar aralyǵynda Qazaqstan Respýblıkasynyń Energetıka mınıstri.

2019 jyldyń 18 jeltoqsanynda Memleket basshysynyń Jarlyǵymen Qazaqstan Respýblıkasy Prezıdentiniń kómekshisi bolyp taǵaıyndaldy.