Albert Eınshteınniń salystyrmaly teorıany jazǵan kezdegi esepteýleri bar qoljazba aýksıonda 11 mıllıon eýroǵa satyldy.
Parıjdegi "Christie's" aýksıon úıindegi saýda qoltańba qoıylǵan ǵylymı qujat rekordyn jańartty.
Bul teorıalyq fızıktiń uly ǵylymı jumysyn kórsetetin eki maqalanyń biri.
1915 jyly jarıalanǵan teorıa adamzattyń keńistik, ýaqyt jáne gravıtasıa týraly túsinigin ózgertti.
Esepterdiń qoljazbasyn 1913-1914 jyldar aralyǵynda Eınshteın men qujatty saqtaǵan shveısarıalyq áriptesi Mıshel Besso jazǵan.
"Christie's" aýksıon úıi Bessonyń bolashaqty oılap, tarıhı mańyzdy qoljazbany saqtaǵanyn joǵary baǵalady.
Aýksıon úıiniń sarapshysy Vınsent Belloı "Eınshteın – óte az jazbalar saqtaǵan adam, sondyqtan qoljazbanyń aman qalǵany jáne bizge jetkeni erekshe baǵaly" dedi.
Qaǵazdarda qara sıaly qalammen jazylǵan esepter bar. Belloı myrzanyń aıtýynsha, tarıhı qoljazbada teorıany tujyrymdaý jolyndaǵy birqatar qateler de bar.
"Christie's" bul satylym "dúnıe júziniń túkpir-túkpirindegi kolleksıonerlerdi baýrady" dedi.
Alaıda 54 bettik qaǵazdy satyp alýshy anyqtalǵan joq.
Eınshteınniń salystyrmaly teorıasy ǵalamnyń, planetalyq orbıtalardyń jáne qara qurdymdardyń paıda bolýyn túsinýge kómegin tıgizgen.
Ótken mamyrda Eınshteın teorıasynyń eń áıgili E=mc² teńdeýi bar hat 1,2 mıllıon dollardan artyq baǵaǵa satyldy.
Pikir qaldyrý