Shymkentte M.Áýezov atyndaǵy Ońtústik Qazaqstan ýnıversıtetiniń ǵımaratynda jumyssyz jastardy qala aýmaǵynda ornalasqan ındýstrıaldy aımaqtardaǵy kásiporyndarǵa jumyspen qamtý maqsatynda «Ońtústik-Qazaqstan metalýrgıalyq kompanıasy» ,"Kıtaısko-Kazahstanskaıa margansevaıa ındýstrıalnaıa grýppa", «Shymkent metalýrgıalyq kompanıasy-SHMK», «Abaıl óndiris» JSHS-leri, M.Áýezov atyndaǵy Ońtústik Qazaqstan ýnıversıteti men qalalyq jumyspen qamtý jáne áleýmettik qorǵaý basqarmasymen ózara birlesken memorandýmǵa qol qoıyldy.
Atalǵan kezdesýge M.Áýezov atyndaǵy OQÝ rektory, QR Ulttyq Ǵylym akademıasynyń akademıgi, t.ǵ.d.,profesor D.Qojamjarova, kásiporyn basshylary, qalalyq jumyspen qamtý jáne áleýmettik qorǵaý basqarmasynyń basshysy B.Narbekova qatysty.

Jalpy, «Ońtústik» ındýstrıaldy aımaqta ornalasqan "Kıtaısko-Kazahstanskaıa margansevaıa ındýstrıalnaıa grýppa" JSHS-gi - metaldar men qorytpalardy satýmen, al, «Shymkent metalýrgıalyq kompanıasy-SHMK» -qara metaldardyń qaldyqtary men synyqtaryn qaıta óńdeý, sondaı-aq qara jáne tústi metaldardyń synyqtary men qaldyqtaryn kóterme saýdada satýmen aınalysady.
Osyǵan oraı, jumyspen qamtý jáne áleýmettik qorǵaý basqarmasynyń ókilderi joǵaryda atalǵan kásiporyndary men oqý orny basshylaryna «Eńbek» memlekettik baǵdarlamasynyń «Jastar praktıkasy», «Áleýmettik jumys oryndary» jáne «Alǵashqy jumys orny» baǵyttarymen tanystyrdy.

Memlekettik baǵdarlamanyń tıimdiligine qyzyǵýshylyq tanytqan kásiporyndardyń basshylyǵy aldaǵy ýaqytta atalǵan kásiporyndarǵa jumyskerlerdi, M.Áýezov atyndaǵy Ońtústik Qazaqstan ýnıversıtetiniń metalýrg, tehnolog jáne t.b. tehnıkalyq mamandyq túlekterin turaqty jumysqa jáne «Jastar» praktıkasy», «Alǵashqy jumys orny», «Álýmettik jumys oryndary» baǵyttary boıynsha memleket esebinen aqyly ýaqytsha jumysqa tartýǵa kelissóz júrgizdi.

Aıta ketsek, jyl basynan beri «Eńbek» memlekettik baǵdarlamasy boıynsha 28 286 adamdy jumysqa ornalastyrý josparlansa, búgingi tańǵa deıin 26 013 adam jumysqa joldanyp otyr. Onyń ishinde 2 578 adam jastar praktıkasymen, 347 adam áleýmettik jumys oryndaryna, 118 adam «Alǵashqy jumys oryndary» jobasymen qaladaǵy túrli kásiporyndar men mekemelerge jumysqa ornalasty.