Búgin, keshke qaraı Almatydaǵy jeke klınıkalardyń birinde ómirden ótken aqyn, oppozısıoner Aron Atabektiń denesi Qalqaman yqshamaýdanyndaǵy máıithanaǵa jetkizildi.
Sol jerde júrgen Qamshy tilshisiniń habarlaýynsha, belsendini jetkizgen jedel járdem kóligine birneshe polısıa kóligi de ilesip kelgen. Qazirgi ýaqytta máıithana mańynda polısıa qyzmetkerleri men arnaıy jasaq kóptep júr.
Sondaı-aq máıithana aldyna qarapaıym adamdar da kelip jatqany habarlandy.
Belsendi Muratbek Esenǵazy máıitke saraptama jasalatynyn, Aron Atabektiń denesi 26 qarashada qaryndasy Rázıanyń úıinen shyǵarylýy múmkin ekenin málim etti.
Pikir qaldyrý