Qostanaıda turǵyn úılerdiń birinde órt shyǵyp, 7 jasar qyz qaıtys boldy, dep habarlady óńirdiń tótenshe jaǵdaılar departamenti. 

Órt 24 qarasha saǵat 17:20-de Pýteıskaıa kóshesindegi jeke úıden shyqqan. Saldarynan 7 jastaǵy qyz jedel járdem kóliginde kóz jumdy. Onyń anasy aýyr jaǵdaıda jansaqtaý bólimine jetkizilgen. 

"Órt jalpy 50 sharshy metr aýmaqty sharpydy. Órt sóndirý kezinde 4 turǵyn evakýasıalanyp, jedel járdemge berilgen. Qalalyq aýrýhanaǵa 44 jastaǵy áıel jetkizildi. Denesiniń 80-88 paıyzyn 3-dárejeli kúıik shalǵan. Jaǵdaıy aýyr, jansaqtaý bólimine jatqyzyldy. Onyń 46 jastaǵy kúıeýiniń beti men qoly kúıip qalǵan. Dárigerler qarap ony úıine jiberdi. Osy otbasynyń jeti jastaǵy qyzy aýrýhanaǵa jetip úlgermeı jedel járdem kóliginde kóz jumdy. Taǵy 8 jastaǵy bir bala qutqaryldy. Ol medısınalyq kómekti qajet etpedi" delingen habarlamada.