2022 jyly dárigerlerdiń jalaqysyn kóterýge búdjetten 361 mlrd teńge qarjy bólinedi. Bul týraly premer-mınıstrdiń orynbasary Eraly Toǵjanov málimdedi.
Toǵjanovtyń sózinshe, 2021 jyldyń 1 qańtarynan bastap 247 myń medısına qyzmetkeriniń jalaqysy ósken. Sonyń ishinde dárigerlerdiń jalaqysy 30 paıyzǵa (246,1 myńnan 319,9 myń teńgege), orta medısına qyzmetkerleriniń jalaqysy 20 paıyzǵa (144,6 myńnan 173,5 myń teńgege) artqan.
– Memleket basshysynyń Qazaqstan halqyna arnalǵan joldaýynyn júzege asyrý aıasynda 2020-2025 jyldary medısına qyzmetkerleriniń jalaqysyn kezeń-kezeńmen kóterý josparlanǵan, – dedi ol.
Vıse-premerdiń aıtýynsha 2023 jylǵa qaraı medısına qyzmetkerleriniń jalaqysyn 2,5 esege deıin ulǵaıtý josparlanǵan.
Osy maqsatqa búdjetten 2021 jylǵa – 222,3 mlrd teńge, 2022 jylǵa – 361,7 mlrd teńge, 2023 jyly 557,4 mlrd teńge bólý kózdelgen.
Pikir qaldyrý