Shymkenttegi Abaı aýdanynda búgingi tańǵa deıin ákimdiktiń uıymdastyrýymen kóp qabatty úılerde múlik ıeleriniń birlestigin (MIB) jáne jaı seriktestik (JS) qurýdyń tıimdiligin túsindirý boıynsha turǵyndarmen 597 jınalys uıymdastyryldy. Kóp qabatty 411 úıdiń kelisim hattamasy jasalyp, turǵyn úı kólemine shaqqanda 100 paıyzdy qurap otyr.

Onyń ishinde kóp qabatty 325 úıde jaı seriktestik jáne kóp qabatty 61 úıde múlik ıeleriniń birlestigi qurylyp, qalalyq ádilet departamentinde tirkeldi. Qalǵan kóp qabatty 67 úı 1 jáne 2 qabatty bolýyna baılanysty múlik ıeleriniń birlestigine jáne jaı seriktestikke tirkelýge jatpaıdy.

Ál-Farabı aýdanynda kóp qabatty úılerde basqarýdyń jańa nysanyna kóshý boıynsha turǵyndarmen 545 jınalys uıymdastyryldy. 53 úıde múlik ıeleriniń birlestigi qurylyp, qalalyq ádilet departamentinde tirkeldi.

Al 358 úıde jaı seriktestik quryldy. Qosymsha múlik ıeleriniń birlestigin qurý boıynsha kóp qabatty 33 úıdiń kelisim hattamasy jınaqtalýda.

Qazirgi ýaqytta Eńbekshi aýdanyndaǵy kóp qabatty 630 úıdiń 16-nan múlik ıeleriniń birlestigi, 403-nen jaı seriktestik túrindegi kelisimi jáne 47-nen bas tartý hattamalary jınaqtaldy. Sonymen qatar, jalpy 565 úıge túsindirý jumystary júrgizildi. Qarashanyń 18-25 juldyzy aralyǵynda Eńbekshi aýdany ákimi apparatynyń mamandary tarapynan kóp qabatty 25 úıge túsindirý jumystary júrgizilip, turǵyndarǵa hattamalar berildi.

Qarataý aýdany aýmaǵynda múlik ıeleriniń birlestigi jáne jaı seriktestik týraly túsindirý boıynsha turǵyndarmen 102 kezdesý, 25 onlaın jınalys ótkizildi. Búginge deıin aýdanda 10 MIB jáne 312 JS qurylǵan. Túsindirme jumystarynyń nátıjesinde qalǵan kóp qabatty úılerden hattamalar jınaqtalýda.