Shymkent qalalyq jumyspen qamtý jáne áleýmettik qorǵaý basqarmasynyń uıytqy bolýymen Shymkent qalasynan jumys kúshi tapshy SQO, SHQO, Pavlodar, Qostanaı oblystaryna qonys aýdarý máselesi boıynsha dóńgelek ústel ótti.
Jıynǵa Shymkent qalalyq máslıhatynyń depýtattary, kásipkerler, qala turǵyndary jáne Zoom arqyly jumys kúshi tapshy oblystardyń jumyspen qamtý basqarmalary men aýdandarynyń jumyspen qamtý bólimderiniń jetekshileri men qatysty.
SQO, SHQO, Pavlodar, Qostanaı oblystarynyń jaýapty mamandary qaı óńirde qandaı maman ıeleri tapshy ekenin egjeı-tegjeıli túsindirdi. Jıynda nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda eńbek kúshi artyq óńirden soltústikke erikti qonys aýdarý tıimdiligi týraly aıtyldy. Atalǵan baǵdarlamanyń maqsaty – ońtústikten qonys aýdarýshylardy jumyspen qamtý.
Mamandardyń aıtýynsha, qazirgi tańda soltústik óńirde bilikti dárigerler men muǵalimder, tehnıkalyq mamandyq ıeleri suranysqa ıe. Jumyspen qamtý basqarmasy júrgizgen úgit-nasıhat jáne túsindirme jumystarynyń arqasynda bıyl soltústikke qonys aýdarýǵa Shymkent qalasy turǵyndarynyń qyzyǵýshylyǵy aıtarlyqtaı artyp otyrǵany baıqalady.
Esterińizge sala ketsek, jumys kúshi kóp óńirlerden jumys kúshi tapshy óńirlerge qonys aýdarý – memleket júrgizip otyrǵan eń utymdy baǵdarlamalardyń biri. 2016-2019 jyldary aralyǵynda soltústik óńirge jalpy 854 otbasy (2645 adam) kóshken. Al, jyl basynan basynan beri 52 otbasy (227 adam) baǵdarlama aıasynda qonys aýdarǵan.
