12 qarasha, juma kúni oblys ákimi Ońdasyn Orazalın Aqtóbe qalasyndaǵy kóshelerdi túngi jaryqtandyrý jáne qoǵamdyq keńistikterdi damytý jobasynyń júzege asyrylýymen tanysty.
Óńir basshysy qalany aralaýdy Qobylandy gúl baǵy arqyly ótetin, Shernıaz kóshesinen Jangeldın gúl baǵyna deıingi, ári qaraı Qurylysshylar apparaty" saıabaǵyna deıingi jáne drama teatry aınalasyndaǵy jaıaý júrginshiler joly - "Ahtanov sharshysynyń" qalpyna keltirý jumystaryn qaraýdan bastady.
"Barlyq jerde jaryq bar, jaıaýjol almastyryldy. Jumys bitýge qaldy, endi oryndyqtardy ornatý kerek. Birinshi dárihananyń mańyna jańa baspaldaq salynyp, ony arbamen ótýge yńǵaıladyq",- deıdi "AMK Jaryq" JSHS merdiger mekemesiniń dırektor orynbasary Aleksandr Galsev.
Sondaı-aq, óńir basshysy Ǵashyqtar aleıasy men № 1 HQO aýdanyndaǵy Týrgenev kóshesi boıyndaǵy gúl baǵynyń abattandyrylý barysyn qarap shyqty.
Budan ózge, Turǵyndar qalashyǵynda oblys ákimi kópqabatty úılerdiń qasbetterin dekoratıvti jaryqpen qamtamasyz etý boıynsha aýqymdy jobanyń aǵymdaǵy júzege asyrylýymen tanysty. Qazirgi tańda jumystar Ábilqaıyr han men Á.Moldaǵulova dańǵyldarynda, Týrgenev pen Sátpaev kóshelerinde jalǵasýda.
"KMK Stroı" JSHS merdiger mekemesiniń ókili Ulan Qozbaqov: "Jumystyń 90 paıyzy oryndaldy. Shamamen 150 úı ılúmınasıalanady",- dep esep berdi.
Oblys ákimi jobany joǵary sapada qamtamasyz etip, bıyl jeltoqsan aıyna deıin aıaqtaýdy tapsyrdy.
Aqtóbe oblysy ákiminiń baspasóz qyzmeti
Pikir qaldyrý