Nur-Sultan qalasynda elorda kýbogy úshin Jaıdarman oıyny ótti. Saıysqa tek qazaqstandyq emes, sheteldik komanda da qatysty. 

Jaıdarman oıyndary búginde tek otandyq emes, sondaı-aq kórshiles memleketterdiń de asyǵa kútetin jobasyna aınaldy. Ár efırin taǵatsyz kútetin kórermenge búginde bul oıyn sapaly dúnıe kórsetýin jalǵastyryp keledi. Kezekti jobalardyń biri retinde14 qarasha kúni ótken "Elorda kýbogy-2021" arnaıy jobasyn atap ótýge bolady. Elimizdiń úzdik komandalarynan bólek, ózbekstandyq "Buhara" komandasy qatysyp, bul saıystyń dárejesin halyqaralyq deńgeıge kóterip tastady.  Túrki tildes kórshilerimizge qazaq sahnasynda oınaý asa qıyndyq týdyrmaǵany anyq. Kelgen kórermen qonaqtarymyzdy qoshemetpen qarsy alyp, qoshemetpen shyǵaryp saldy.

Aıta keteıik, bul oıyn Nur-Sultan qalasy Jastar saıasaty máseleleri basqarmasy qoldaýymen, "Qazaqstan KVN odaǵy" RJQB uıymdastyrýymen ótken edi. Qazylar alqasy úzdik úsh komandany anyqtap, olarǵa arnaıy júldelerdi usyndy.  Oıyn qorytyndysy boıynsha Semeıden kelgen "Qyzdar emes" komandasy úshinshi oryn, almatylyq "Aqpen birge" komandasy ekinshi oryn ıelendi. Eń úzdik dep tanylyp, bas júldeni ıelengen — elordalyq "Shabyt" quramasy.

Komandalyq kórsetkishten bólek, jeke sheberligimen kózge túsip, "Úzdik oıynshy" degenatqa laıyq jaıdarmanshy da anyqtaldy. Ol almatylyq "Arnaıy ádilet úshin" komandasynyń múshesi Shyńǵysqan esimdi jaıdarmanshy. Oıynnyń barlyq qyzyqtary telearnadan jeltoqsan aıynda kórsetiledi.