Qaraǵandylyq azamat Reseıden kólik ákelip beremin dep shymkenttik jigitti aldap ketti, dep habarlady Polisia.kz saıty.

Shymkent qalasy Abaı aýdany Polısıa basqarmasyna qala turǵyny aryzdanǵan. Aryzdanýshynyń aıtýynsha, tanysy Reseıden avtókólikti arzan baǵamen ákelip beremin dep aldaǵan.

"Turǵyndy sendirip, 150 myń teńgesin ıemdengen. Alaıda arada ýaqyt óte ne kólik ákelip bermegen, ne aqshasyn qaıtarmaǵan. Tártip saqshylary atalǵan jaıtty QR QK-niń 190-baby boıynsha (Alaıaqtyq) tirkep, jedel-izdestirý sharalaryna kirisip, Qaraǵandy qalasynyń turǵyny anyqtalyp, basqarmaǵa jetkizildi. Ustalǵan azamattyń osyǵan uqsas basqa da qylmystarǵa qatysynyń bar-joqtyǵy anyqtalýda. Qazirgi tańda sotqa deıingi tergeý amaldary júrgizilýde" delingen aqparattyq habarlamada.