Koronavırýstyń jańa "Omıkron" shtammynyń paıda bolýyna baılanysty 3 jeltoqsanynan bastap Egıpetke áýe qatynasy toqtatyldy. Bul týraly ındýstrıa jáne ınfraqurylymdyq damý mınıstrligi habarlady.

Áýe kompanıalarynyń aqparaty boıynsha búgingi tańda Egıpette 2800-ge jýyq Qazaqstan azamaty bar. Olar 2021 jylǵy jeltoqsannyń 3-10 aralyǵynda atalǵan elge jetkiziledi.

QR Bas memlekettik sanıtar dárigediń 2021 jylǵy 30 qarashadaǵy №51 qaýlysyna sáıkes Egıpetten kelgen jolaýshylar COVID-19-ǵa qarsy vaksınasıalaýdyń tolyq kýrsynyń bar-joǵyna qaramastan, Qazaqstan memlekettik shekarasyn kesip ótken sátten bastap merzimi 72 saǵattan aspaǵan COVID-19-ǵa PTR testiniń teris nátıjesi týraly anyqtamany kórsetýge tıis.

Sondaı-aq vaksına saldyrǵan jáne tıisti anyqtamasy bar bolsa da, 7 kúnge oqshaýlanýy kerek.