Densaýlyq saqtaý mınıstrligi 4 jeltoqsan kúngi epıdemıologıalyq ahýal týraly aqparatty jarıalady.
Mınıstrlik málimetinshe, ótken táýlikte PTR test arqyly 695 adamnan koronavırýs, 95 adamnan pnevmonıa anyqtalǵan. 3 jeltoqsanda 15 adam koronavırýstan, 2 adam pnevmonıadan kóz jumǵan.
5 jeltoqsandaǵy málimet boıynsha, 24 325 adam koronavırýs pen pnevmonıadan emdelip jatyr. Olardyń ishinde 4 882 pasıent stasıonarda, 19 443 naýqas ambýlatorıalyq deńgeıde em qabyldaýda.
İndetke shaldyqqandar arasynda 363 adamnyń jaǵdaıy aýyr, 96 pasıenttiń jaǵdaıy óte aýyr, 61 naýqas ÓJJ apparatynda jatyr.
5 jeltoqsandaǵy málimet boıynsha Qazaqstanda 8 778 757 adam koronavırýsqa qarsy vaksınanyń I komponentin, 8 176 988 adam II komponentin saldyrǵan.
Qazaqstan óńirlerindegi epıdemıologıalyq ahýaldy baǵalaý matrısasyna saı, Soltústik Qazaqstan oblysy "Qyzyl" aımaqta, Nur-Sultan qalasy, Aqmola, Qaraǵandy, Pavlodar, Qostanaı oblystary "Sary" aımaqta. "Jasyl" aımaqta Almaty, Shymkent qalalary, Atyraý, Aqtóbe, Almaty, Batys Qazaqstan, Túrkistan, Jambyl, Qyzylorda, Mańǵystaý, Shyǵys Qazaqstan oblystary.
Pikir qaldyrý