Tanymal aqyn, aıtys júrgizýshisi Júrsin Erman Dúnıejúzilik densaýlyq saqtaý uıymynyń dırektory Tedros Adanom Gebreıesýspen quda boldy. Belgili tulǵanyń jıeni efıpıolyqqa osydan 4 jyl buryn turmysqa shyqqan eken, dep habarlaıdy Ekspress K.

Áleýmettik jelide tanymal aqyn Júrsin Ermandy mereıtoıymen quttyqtap, sálem joldaǵan DDSU dırektory Tedros Adanom Gebreıesýstiń vıdeosy qyzý talqylanyp jatyr.

Qazaqsha shapan kıip, qazaq tilinde tilegin bildirgen DDSU dırektory Júrsin Ermannyń týǵan qudasy bolyp shyqty. Tanymal aqynnyń jıeni efıopıalyq azamatqa osydan 4 jyl buryn turmysqa shyqqan eken.

"Tedros Adanom Gebreıesýstiń balasy meniń qyzymnyń qyzyn alyp otyr Aıdana degen. Nemerem ǵoı. Ardaq degen kishi qyzymnyń qyzy. Shveısarıada akademıa, Ispanıada magıstratýra bitirgen. Bir balasy bar, úıge kelip ketken ózderi. Sonda kıgizgen shapan ǵoı anaý. Sony kıip, qazaqsha shamasy kelgenshe sóılep, óleńimdi oqyp otyr. Rahmet. Kimniń qyzy qaıda shyqpaı jatyr? Meniń qyzym DDSU bas dırektoryna kelin bolyp baryp, ony qazaqsha sóıletip otyrsa, men oǵan nege qýanbaımyn?, — deıdi Júrsin Erman.