Koronovırýsqa qarsy Oxford-AstraZeneca vaksınasyn jasaǵan ǵalymdardyń biri Sara Gılbert kelesi pandemıa COVID-19-dan da qaýipti bolýy múmkin ekenin aıtty. Bul týraly Bı-bı-sı aqparat agenttigi habarlady.

Koronavırýsqa qarsy Oxford-AstraZeneca vaksınasyn jasaýshy, Oksford ýnıversıtetiniń profesory Sara Gılbert kelesi pandemıa juqpaly bolýy múmkin ekenin jáne budan da kóp adamnyń ómirin qıýy múmkin ekenin aıtty.

– Bul vırýs – ómirimizge qaýip tóndiretin birinshi jaǵdaı emes. Shyndyǵynda, kelesi vırýs odan da qaýipti bolýy múmkin. Ol odan da juqpaly nemese ólimge ákelýi múmkin, – dedi ol.

Ǵalym pandemıaǵa daıyndyqty qamtamasyz etý úshin kóbirek qarjylandyrý qajet ekenin aıtty. Sondaı-aq vaksınalar "Omıkron" jańa shtamyna tıimdiligi tómen bolýy múmkin ekenin eskertip, "Omıkron" shtammy týraly aqparat tolyq belgili bolǵansha saq bolýǵa shaqyrdy.