Belgili tarıhshy, akademık, profesor, doktor Talas Omarbekov dúnıeden ótti. Qaraly habardy ǵalym qyzmet etken QazUÝ oqytýshysy Jandos Qumǵanbaev jetkizdi.
"QARALY HABAR ..... Búgingi Qazaq tarıhynyń tórinde otyrǵan, esin bilgeli Qazaq tarıhynyń "Aqtańdaq máselelerin" zerttegen, sonysymen de súbeli úles qosyp kele jatqan, bárimizge de ardaqty, syıly, "ál-Farabı atyndaǵy QazUÝ-diń Qazaqstan tarıhy kafedrasyn aıaǵynan tik turǵyzyp, kadrlar daıyndaýda kóp eńbek sińirgen, QR-nyń tarıhqa, tarıhı sanaǵa baǵyttalǵan Memlekettik baǵdarlamalaryn júzege asyrýǵa bar ıntelektin, bar kúshin arnap kele jatqan ǵulama ǵalym, tarıh ǵylymdarynyń doktory, profesor, UǴA-nyń qurmettiń akademıgi Talas Omarbekuly Omarbekov baqılyq boldy.
Imany salaýat bolsyn jan aǵam..." delingen qaraly habarda.
Talas Omarbekov 1948 jyly 29 mamyrda Jambyl oblysy Baızaq aýdany Aqjar aýylynda týǵan.
1971 jyly Qazaq pedagogıkalyq ınstıtýtyn (Qazirgi Abaı atyndaǵy QazUPÝ) bitirgen.
Eńbek jolyn Jýaly jáne Baızaq aýdandarynda orta mektepte muǵalim bolyp bastaǵan.
1980 – 2001 jyldary QazPI-de, Qazaqstan KP OK janyndaǵy Partıa tarıhy ınstıtýtynda, "Aqıqat" jýrnalynda, Qazaq ulttyq ýnıversıtetinde ǵylymı-pedagogıkalyq, shyǵarmashylyq qyzmetpen aınalysqan. 2001 jyldan QazUÝ-degi ejelgi jáne ortaǵasyrlyq Qazaqstan tarıhy kafedrasynyń meńgerýshisi bolǵan.
Pikir qaldyrý