Atyraý oblysy ákiminiń orynbasary Baqytgúl Hamenova para aldy degen kúdikke ilindi. Bul týraly "Aq jaıyq" saıty habarlady.

10 jeltoqsan kúni Atyraý oblysy ákiminiń orynbasary Baqytgúl Hamenova men oblystyq mádenıet basqarmasynyń basshysy Aqylbek Rysqalıev4,5 mln teńge kóleminde para aldy degen kúdikpen ustaldy.

"Kúdiktilerdi Nur-Sultan qalasynan Atyraýǵa arnaıy kelgen jemqorlyqqa qarsy is-qımyl agenttiginiń toby ustady. Aldyn ala málimet boıynsha, para "tenderge" qatysty alynǵan" delingen habarlamada.

B.Hamenovaǵa qatysty Qylmystyq Kodekstiń 366-baby 2-bóligi (asa iri mólsherde para alý) boıynsha qylmystyq is qozǵalǵan. Qazir olardan Atyraý oblysy sybaılas jemqorlyqqa qarsy is-qımyl departamentiniń ǵımaratynda jaýap alynýda.

Sonymen qatar Yedilov online Telegram kanaly B.Hamenovanyń kabınetiniń esigi mórlenip turǵan sýret jarıalady.