Atyraý qalasynyń mamandandyrylǵan tergeý soty ızolátorda otyrǵan oblys ákiminiń orynbasary Baqytgúl Hamenovany úıqamaqqa jiberilý sebebin túsindirdirdi. Bul týraly "Aq jaıyq" basylymy málimdedi.

Basylym taratqan aqparatqa súıensek, 12 jeltoqsan kúni Baqytgúl Hamenova úıqamaqqa alynǵany belgili bolǵan. Tergeýdiń qamaýǵa alý týraly ótinishi qanaǵattandyrylmaǵan.

Sot kúdiktiniń eki balany tárbıelep otyrǵan jalǵyzbasty ana ekenin, asyraýynda qart anasy baryn, Atyraýda turǵylyqty mekenjaıy baryn, qylmystyq qýdalaý organdarynan jasyrynbaǵanyn jáne buryn sottalmaǵanyn eskerigen.

Qazirgi ýaqytta Hamenovanyń isi Qylmystyq kodekstiń 366-baby 2-bóligi (qomaqty kólemde para alý) boıynsha tergelip jatyr. 

Basylymnyń habarlaýynsha, eger de Hamenovanyń kinási sotta dáleldense ol 60 eselengen soma kóleminde aıyppul tóleýi nemese 7 jylǵa deıin bas bostandyǵynan aıyrylýy múmkin.

Eske sala keteıik, 10 jeltoqsan kúni Atyraý oblysy ákiminiń orynbasary Baqytgúl Hamenova men oblystyq mádenıet basqarmasynyń basshysy Aqylbek Rysqalıev 4,5 mln teńge kóleminde para aldy degen kúdikpen ustalǵan bolatyn.