Qazgıdromet 13 jeltoqsanǵa arnalǵan aýa raıy boljamyn jarıalady.

Sınoptıkterdiń málimetinshe, 13 jeltoqsanda respýblıkanyń basym bóliginde qar jaýyp, kún qubylmaly bolady. Ońtústik jáne ońtústik-shyǵysta jaýyn-shashyn (jańbyr, qar), ońtústikte taýly aýdandarda nóser jaýady.

Tek respýblıkanyń batysy men soltústiginde kún jaýyn-shashynsyz bolady. Respýblıkanyń keı jerlerinde tuman túsip, kóktaıǵaq bolady, jel kúsheıedi. Qazaqstannyń soltústik-batysynda, shyǵysynda, ortalyǵynda burqasyn soǵady dep kútiledi.

Túrkistan oblysynyń soltústiginde, batysynda, taýly aımaqtarynda tuman túsip, kóktaıǵaq bolady, oblystyń soltústiginde jeldiń jyldamdyǵy sekýndyna 15-20 metrge jetedi.

Jambyl oblysynyń soltústiginde, taýly aımaqtarda tuman túsip, kóktaıǵaq bolady. Oblystyń ońtústik-batysynda, taýly aýdandarynda jeldiń jyldamdyǵy sekýndyna 15-20 metrge deıin jetedi.

Qaraǵandy oblysynyń soltústiginde, shyǵysynda, ońtústiginde burqasyn soǵyp, tuman túsip, kóktaıǵaq bolady dep kútiledi.

Shyǵys Qazaqstan oblysynyń soltústiginde burqasyn soǵyp, tuman túsedi, oblystyń ońtústik-batysynda jel 15-20 m/s jyldamdyqpen soǵady.

Qyzylorda oblysynyń ortalyǵynda, ońtústiginde tuman túsip, kóktaıǵaq bolady. Oblystyń soltústiginde jel 15-20 m/s-qa deıin kúsheıedi.

Qostanaı oblysynyń ońtústiginde burqasyn bolyp, oblystyń soltústiginde tuman túsip, túnde oblystyń ońtústiginde jel 15-20 m/s jyldamdyqpen soǵady.

Pavlodar oblysynyń soltústiginde, shyǵysynda jeldiń jyldamdyǵy 18 m/s-qa jetip, burqasyn soǵady.

Aqtóbe oblysynyń soltústiginde tuman túsedi, oblystyń ońtústik-shyǵysynda jel 15-20 m/s-qa deıin kúsheıedi.

Almaty oblysynda Alakól aýdanynda jel 15-20 m/s deıin kúsheıedi.