Tamyz aıynda Aýǵanstan bıligine kelgen "Talıban" radıkaldyq qozǵalysynyń músheleri Kabýl kóshelerindegi beti ashyq áıel beınelelengen sýretterdi joıýdy bastady, dep jazady Aamaj News basylymy.
Jergilikti sheneýnikter áıeldiń beti nemese denesiniń ózge jeri ashyq sýretter sharıǵat zańdaryna qaıshy ekenin aıtyp, el astanasynda "ıslamdyq emes sýretterdi" joıý prosesi bastalǵanyn jarıa etti.
Aýǵanstan dinı memleket bolǵanyna qaramastan, tálipter bılikke kelgenge deıin kóshedegi jarnama taqtaıshalaryna, afıshalarǵa, sórelerge áıel sýretin ilýge ruhsat etken.
Adam quqyǵy mamandary tálipterdiń bılikke kelýimen Aýǵanstandaǵy áıel quqyǵy máselesine alańdaýshylyǵyn jetkizip jatyr. Buǵan deıin Talıban uıymy Aýǵanstandy bılegen 1996-2001 jyldary áıel quqyǵy qatty taptalǵan. Tipti áıelderge bilim alýǵa, er adamsyz tysqa jalǵyz shyǵýǵa tyıym salynǵan.
Pikir qaldyrý