Zeınetaqy jınaǵyn paıdalana otyryp, úı satyp alý boıynsha eń qymbat kelisimshart – 162,4 mıllıon teńge bolǵan. Bul týraly "Otbasy bank" AQ basqarma tóraǵasy Lázzat Ibragımova ortalyq komýnıkasıalar qyzmetinde málimdedi.

– Zeınetaqy jınaǵyn paıdalaný arqyly eń iri soma – 162,4 mıllıon teńge premıým sanattaǵy turǵyn úı boldy. Al eń tómen mámile shamamen mıllıon teńgege jýyq. Múmkin bul aýyldyq jerde nemese aýdan ortalyǵynda tirkelgen shyǵar, – dedi basqarma tóraǵasy.

Aıtýynsha, 2021 jyly satyp alý jáne satý operasıalarynyń sany byltyrǵymen salystyrǵanda áldeqaıda kóp bolǵan.

–  Búgin 179 192 tranzaksıa ıpotekasyz júzege asyryldy. Iaǵnı bul baspanany tolyǵymen satyp alǵandar, – dedi Lázzat Ibragımova.

Eske sala keteıik, prezıdent Qasym-Jomart Toqaev úkimetke zeınetaqy qoryndaǵy qarajatty paıdalanýǵa qatysty shekti mejeni kóterý merzimin 2022 jyldyń 1 sáýirine deıin uzartýdy tapsyrǵan bolatyn.