Qaraǵandy oblysyndaǵy sharýa qojalyqtyń birinde mal jappaı belgisiz dertke shaldyǵyp jatyr. Malshylar iri qaraǵa eki jyl boıyna birde-bir ekpe salynbaǵanyn, endi onyń zardabyn kórip jatqandaryn jetkizdi, dep habarlady Astana arnasy.

Telaarna málimetinshe, Shet aýdanynda búginde aýrýǵa shaldyqqan iri qara sany 800-ge jetken. Jergilikti veterınarlar malshylardyń paıymyna qarsy ýáj aıta almaǵan. Óıtkeni tegin dári alýǵa memleketten qarjy bólinbegen.

Sáýle, Qaraǵandy oblysy Aqjal kentiniń sáýle esimdi turǵyny malǵa vaksına salynbaǵanyna 2 jyl bolǵanyn aıtady.

– Mal ábden aýyrǵan soń shaqyrttyq. Sol kezde kelip vaksına salyp ketti. Biraq qalǵan vaksına men vıtamınderdi ózimiz satyp alyp saldyq. Tegin be dep suradyq, dáriger "ózderińiz satyp alasyzdar, bizge ondaı aqsha bólingen joq" dedi.

Mal aýrýy Shet aýdanynyń Aqjal kentinen basqa Aqshataý, Kıikti, Aqsý-Aıýly, Bosaǵa aýyldary men Moıynty kentinde jappaı órshigen. Sıyrlar men buzaýlardyń aýyzdarynan sý aǵyp, jem- shóp jeı almaı jatyp qalǵan. Mundaı jaǵdaı alǵash qarashanyń ortasynda baıqalǵan. 6 mal aram qatqan. Alaıda aýyldyqtar odan da kóp sıyr qyrylýy múmkin dep otyr.

Veterınar mamandar belgisiz dert etek alǵanyn rastaǵan.