Óz ótinishimen májilis depýtaty retindegi ókilettigin toqtatqan Bekbolat Tileýhan jańadan baratyn qyzmet orny – Búkilálemdik etnosport konfederasıasy (WEC) nemen aınalysatyny belgili boldy. Eks-depýtat onda vıse-prezıdent bolyp taǵaıyndalǵan. Bul týraly konfederasıa baspasóz qyzmeti habarlady.
Baspasóz qyzmetiniń málimetinshe, halyqaralyq uıymnyń shtab-páteri Túrkıanyń Ystambul qalasynda ornalasqan. Ony Túrkıa prezıdenti Rejep Taıyp Erdoǵannyń uly Bilál Erdoǵan basqarady. Uıymǵa Qazaqstan 2019 jyly alǵashqy tolyqqandy múshesi retinde qabyldanǵan. Qazirgi ýaqytta uıymǵa álemniń kóptegen etnosport federasıalary múshe.
"Bekbolat Qanaıuly ótken jyldan beri konfederasıanyń Ortalyq Azıa komıtetine jetekshilik etip keledi. Atap óteıik, 2022 jyly IV Kóshpendiler oıyndary Túrkıanyń Býrsa qalasynda ótedi dep josparlanǵan. Búgin Qaýymdastyq prezıdenti óz ótinishi negizinde depýtattyq ókilettiligin toqtatyp, parlament májilisiniń depýtattyq mandatyn merziminen buryn tapsyrdy" delingen ulttyq sport qaýymdastyǵy baspasóz qyzmeti taratqan habarlamada.
Pikir qaldyrý