Qazaqstannyń halyq jazýshysy Á.Nurshaıyqovtyń 100 jyldyq mereıtoıyna oraı «Mahabbat, qyzyq mol jyldar romanyndaǵy keıipkerler álemi» kórkemsýret baıqaýy ótedi. Baıqaýǵa 2022 jylǵy 1 qańtardan 1 sáýirge deıin qatysýǵa bolady. Músháırany Ál-Farabı atyndaǵy QazUÝ JOO deıingi bilim berý fakúlteti JOO deıingi daıyndyq kafedrasy uıymdastyryp otyr.

Baıqaýǵa Á. Nurshaıyqovtyń «Mahabbat, qyzyq mol jyldar» romanynan tańdap alynǵan qysqasha úzindige ılústrasıa retinde fotosýretter men qolmen salynǵan  (akvarel, maı boıaýy, pastel, t.b. tehnıkamen oryndalǵan) sýretter qabyldanady.

Jiberilgen jumystar atalǵan romannan tańdap alynǵan qysqasha úzindidegi (qazaq nemese orys tilinde) sújetke tolyqtaı sáıkes kelýi tıis. Bul eki ǵashyqtyń  qol ustasyp turǵan jaı sýreti ǵana bolmaý kerek.

Konkýrsqa qatysatyn sýrettiń ıdeıasy men kótergen máselesi «Mahabbat, qyzyq mol jyldar» romanynan alynǵan sújet mátinine saı bolyp, onyń tereń mazmunyn bere alýmen qatar, jumystyń oryndalý (tehnıkalyq) sheberligi de joǵary bolýy tıis.

Jumystardyń túpnusqasy (salynǵan sýrettiń ózi) jáne A4 qaǵazda basylǵan romannan alynǵan úzindiniń mátini jáne toltyrylǵan anketa myna mekenjaıǵa 050029 Almaty, Bógenbaı batyr kóshesi, 152, Polatbekova Álıa Maratqyzyna dep poshta arqyly jáne elektrondyq  túrde  (jumystyń skanerlegen nusqasy, A4 qaǵazda basylǵan romannan alynǵan úzindi mátini jáne toltyrylǵan anketa) adai75@mail.ru elektrondy poshtasyna jiberilýge tıis. Jumystyń túpnusqasy qaıtarylmaıdy.

Baıqaýǵa Qazaqstannyń JOO stýdentteri, magıstranttary, doktoranttary qatysa alady.

Konkýrs jumystarynyń saraptamasyn ál-Farabı atyndaǵy QazUÝ-dyń aldyńǵy qatarly oqytýshylary men profesorlary, sondaı-aq jazýshynyń otbasy músheleri júrgizedi. Jeńimpazdarǵa stıpendıa tapsyrylady. Tapsyrý saltanaty 2022 jylǵy 15 sáýirde Ulttyq kitaphananyń Kitaptaný zalynda ótedi. Mekenjaıy: Almaty qalasy, Abaı dańǵyly, 14.

Eń úzdik dep tanylǵan shyǵarmalar jazýshynyń http://nurshaihov.kz/ru jeke saıtynda jarıalanady. Stıpendıa fotosýret óneri jáne beıneleý óneri boıynsha birinshi, ekinshi, úshinshi oryndarǵa beriledi. Sondaı-aq yntalandyrý syılyqtary da qarastyrylady.

Baıqaýdyń qorytyndy jıynynda jeńimpazdar óz jumystarynyń maqsaty men ıdeıasyn kópshilik nazaryna usyna alady.

Baıqaý – 2022 týraly qosymsha aqparat ÁlFarabı atyndaǵy Qazaq ulttyq ýnıversıtetiniń  saıtynda jarıalanady.

QATYSÝSHYNYŃ ANKETASY

Aty-jóni_________________________________________________________

Týǵan jyly  ______________________________________________________

JOO aty__________________________________________________________

Fakúltet_________________________________Kýrs___________________

Qatysýshynyń mekenjaıy__________________________________________

Uıaly telefon______________________e-mail_______________________________