Almatyda tótenshe jaǵdaı kezinde 23:00 men 07:00 aralyǵynda komendanttyq saǵat jarıalanady. Bul týraly prezıdent qaýlysynda aıtylady.

Qujat mátine tómendegideı:

1. Azamattardyń mańyzdy jáne tikeleı qaýipsizidigine baılanysty, qoǵamdyq qaýipsizdikti qamtamasyz etý, zańdylyq pen quqyqtyq tártipti qalpyna keltirý, azamattardyń quqyqtary men bostandyqtaryn qorǵaý maqsatynda 2022 jylǵy 5 qańtardaǵy 01 saǵat 30 mınýt pen 2022 jylǵy 19 qańtardaǵy 00 saǵat 00 mınýt merzimi kezeńinde Almaty qalasynyń shekaralarynda tótenshe jaǵdaı engizilsin.

2. Almaty qalasynda tótenshe jaǵdaıdyń kúshinde bolýy kezeńinde 23 saǵat 00 mınýttan 7 saǵat 00 mınýtqa deıin komendanttyq saǵat engizilsin.

3. Tótenshe jaǵdaıdyń kezeńinde Almaty qalasynyń komendatýrasy qurylyp, oǵan Qazaqstan Respýblıkasynyń «Tótenshe jaǵdaı týraly» Zańymen kózdelgen ókilettikter berilsin.

Almaty qalasynyń komendanty bolyp Almaty qalasy Polısıa departamentiniń bastyǵy Qanat Danıaruly Taımerdenov taǵaıyndalsyn.

4. Tótenshe jaǵdaıdyń kúshinde bolýy kezeńinde mynadaı sharalar men ýaqytsha shekteýler engizilsin:

1) qoǵamdyq tártiptiń saqtalýy, asa mańyzdy memlekettik jáne strategıalyq obektilerdiń, sondaı-aq halyqtyń tynys-tirshiligin jáne kólik qyzmetiniń jumys isteýin qamtamasyz etetin obektilerdiń kúzetilýi kúsheıtilsin;

2) Almaty qalasynda júrip-turý, onyń ishinde kólik quraldary qozǵalysynyń erkindigine shekteler belgilesin;

3) jeke tulǵalardyń jeke basyn kýálandyratyn qujattardy tekserý, olardy jeke tekserý, olardyń janyndaǵy zattaryn, kólik quraldaryn tekserý qamtamasyz etilsin;

4) Almaty qalasyna kirý, sondaı-aq odan shyǵý shektelsin;

5) beıbit jınalystardy, oıyn-saýyq, sporttyq jáne basqa da buqaralyq is-sharalardy uıymdastyrýǵa jáne ótkizýge tyıym salynsyn;

6) ereýilderge jáne zańdy tulǵalardyń qyzmetin toqtata turýdyń nemese toqtatýdyń ózge de ádisterine tyıym salynsyn;

7) qarý, oq-dári, jarylǵysh zattar, arnaýly quraldar, ýly zattar satýǵa tyıym salynsyn, dári-dármektiń, esirtki zattardyń, psıhotroptyq zattardyń, prekýrsorlardyń, sondaı-aq etıl spırtiniń, alkogól ónimderiniń aınalymyna erekshe rejım belgilensin;

8) jeke tulǵalardan qarý men oq-dárini, ýly zattardy ýaqytsha alyp qoıý, al zańdy tulǵalardan qarýǵa, oq-dárige jáne ýly zattarǵa qosa áskerı jáne jaýyngerlik oqý tehnıkasyn, jarylǵysh jáne radıoaktıvti zattardy ýaqytsha alyp qoıý qamtamasyz etilsin.

5. Tótenshe jaǵdaıdyń kezinde qoldanylatyn sharalardyń iske asyrylýyna jaýapty bolyp Almaty qalasynyń komendatýrasy, Qazaqstan Respýblıkasynyń İshki ister mınıstrligi, Qazaqstan Respýblıkasynyń Ulttyq qaýipsizdik komıteti, Qazaqstan Respýblıkasynyń Qorǵanys mınıstrligi, Qazaqstan Respýblıkasynyń Tótenshe jaǵdaılar mınıstrligi belgilensin.

6. Qazaqstan Respýblıkasynyń Bas prokýrory osy Jarlyqpen belgilengen sharalar men ýaqytsha shekteýlerdi iske asyrý kezinde zańdylyqtyń saqtalýyn qamtamasyz etsin.

7. Qazaqstan Respýblıkasynyń Úkimeti tótenshe jaǵdaı rejımin qamtamasyz etý úshin Qazaqstan Respýblıkasy Úkimeti rezervinen qajetti qarajattardy bólsin.

8. Osy Jarlyq qol qoıylǵan kúnnen bastap qoldanysqa engiziledi.

Almatyda el tarıhyndaǵy asa iri halyq narazylyǵy bolyp jatyr. Narazylyq Jańaózende suıytylǵan gaz qunynyń qymbattaýyna qarsy ótken mıtıńterge qoldaý retinde bastalǵan. Alaıda halyq talabynan keıin avtokólik gazy buryndaǵydaı 50 teńgeden satylatyn bolsp sheshilgenine qaramastan halyq alańdardan tarqamady.

Olar saıası talaptar qoıyp, úkimet pen N.Nazarbaev otstavkasyn talap etti. 

Halyq narazylyǵy Almatyda keı jerde jappaı tártipsizdikke ulasyp, ereýilshiler birneshe polıýıa kóligin órtep, aýdaryp tastady.