Atyraý oblysy Maqat aýdanynda narazy jurt Qazaqstannyń ár tarapyna júretin poıyzdar ótetin toraptyq temirjoldy   jaýyp tastaǵan. Bul týraly Aq Jaıyq basylymy habaraldy.

Jańaózendi qoldaý aksıasy Maqat aýdanynda 4 qańtarda bastaldy. Qazir temirjol boıyndaǵy narazylyq bildirýshiler sany júzden asty.

– Biz jańaózendikterdi qoldaımyz jáne baǵanyń ósýine qarsymyz. Mıtıńimiz beıbit, tártipsizdikter oryn alyp jatqan joq, biraq biz sońyna deıin turamyz, – deıdi narazylar.

Al, poıyz jolaýshylary qıyn jaǵdaıǵa tap boldy. «Atyraý – Almaty», «Atyraý – Mańǵyshlaq», «Atyraý – Aqtóbe» jáne t.b. poıyzdar Maqat stansasyna keri qaıtyp jatyr degen aqparat bar.

Eske salaıyq, 2 qańtarda Jańaózende gaz qymbatshylyǵynan bastalǵan halyq tolqýy respýblıkanyń kóptegen óńirlerin jappaı sharpyp, keshe keshke Almaty halqy narazylyqqa shyqqan. Áleýmettik máseleden týǵan halyq narazylyǵy birtindep saıasılana túsip, úkimet pen N.Nazarbaev otstavkasy týraly talaptar qoıyldy.

Almatyda alań men kóshege shyqqan ondaǵan myń adam arasynda tártipsizdikke barǵandar, polısıa kólikterin órtep, ǵımarattardy qıratqandar da boldy. Polısıa adamdardy alańnan qaıtarý úshin kózden jas aǵyzatyn, daýsy qatty shyǵatyn,  ıisi ókpeni qabatyn granatalar qoldandy. Azamattar men polısıa qaqtyǵysynan jaralanǵandar bar.

Q.Toqaev Mańǵystaý, Almaty oblystary men Almaty qalasynda eki aptaǵa tótenshe jaǵdaı jarıalady. Kóptegen shekteý engizildi.