Memleket basshysy Qasym-Jomart Toqaev Álıhan Smaıylovty Qazaqstannyń premer-mınıstri qyzmetine taǵaıyndady. Jarlyq Aqorda saıtynda jarıalandy.

"Álıhan Asqanuly Smaıylov Qazaqstan Respýblıkasynyń premer-mınıstri laýazymyna taǵaıyndalsyn" delingen jarlyqta.

Buǵan deıin Májilis otyrysynda Qasym-Jomart Toqaev premer-mınıstr kandıdatýrasyna Álıhan Smaıylovty usynǵan bolatyn. 89 depýtat kandıdatýrany qoldap, daýys berdi. Nátıjesinde depýtattar prezıdenttiń usynysyn maquldady. 

Eske sala keteıik, 5 qańtarda prezıdent úkimetti otstavkaǵa jiberip, mınıstrler kabınetin basqarý ýaqytsha Álıhan Smaıylovqa ótken.

Álıhan Asqanuly Smaıylov 1972 jyly dúnıege kelgen. 1994 jyly Ál-Farabı atyndaǵy Qazaq memlekettik ulttyq ýnıversıtetin "qoldanbaly matematıka" mamandyǵy boıynsha támamdaǵan. 1996 jyly QR Prezıdenti janyndaǵy Qazaqstan menedjment, ekonomıka jáne boljamdaý ınstıtýtynyń memlekettik basqarý magıstri dárejesin alǵan.

Eńbek joly:

1993-1995 jj. – «A-Invest» ınvestısıalyq-jekeshelendirý qorynyń bas mamany.

1995-1996 jj. – Ulttyq statısıka agenttiginiń basqarma bastyǵynyń orynbasary, basqarma bastyǵy.

1996 j. – Qazaqstan Respýblıkasy prezıdenti janyndaǵy joǵary ekonomıkalyq keńeste tálimger.

1996 jyldyń tamyzy – 1998 jyldyń naýryzy – Ulttyq statısıka agenttiginiń basqarma bastyǵynyń orynbasary, basqarma bastyǵy.

1998 jyldyń naýryz-sáýiri – statısıkalyq josparlaý jáne reformalar agenttiginiń statısıka jáne taldaý komıteti tóraǵasynyń orynbasary.

1998-1999 jj. – Qazaqstan Respýblıkasy Prezıdent ákimshiliginde bas sarapshy, sektor meńgerýshisi, memlekettik ınspektor 

1999 jyldyń tamyz-qarashasy – Qazaqstan Respýblıkasy Prezıdent ákimshiliginde uıymdastyrýshylyq-qadaǵalaý bóliminiń memlekettik ınspektory 

1999 jyldyń qarashasy – 2003 jyldyń aqpany – Qazaqstan Respýblıkasynyń statısıtka agenttiginiń tóraǵasy.

2003 j. – Qazaqstan Respýblıkasy syrtqy ister vıse-mınıstri.

2003-2006 jj. – «Eksporttyq kredıtter men ınvestısıalardy saqtandyrý jónindegi memlekettik saqtandyrý kompanıasy» AQ basqarmasynyń tóraǵasy.

2006 jyldyń aqpany – 2007 jyldyń qańtary – Qazaqstan Respýblıkasy qarjy vıse-mınıstri.

2007 jyldyń qańtary – 2008 jyldyń qarashasy – «Qazagro» Ulttyq holdıń» AQ prezıdenti.

2008 jyldyń 21 qarashasy – 2009 jyldyń 27 qazany – Qazaqstan Respýblıkasy qarjy vıse-mınıstri.

2009 jyldyń 27 qazany – 2014 jyldyń 13 tamyzy – Qazaqstan Respýblıkasynyń statısıka agenttigi tóraǵasy.

2014 jyldyń 13 tamyzy – 2015 jyldyń 11 jeltoqsany – QR Ulttyq ekonomıka mınıstrliginiń statısıka komıteti tóraǵasy.

2015 jyldyń 11 jeltoqsany – 2018 jyldyń 18 qyrkúıegi – Qazaqstan Respýblıkasy Prezıdentiniń kómekshisi.

2018 jyldyń 18 qyrkúıegi – 2019 jyldyń 25 aqpany – Qazaqstan Respýblıkasy qarjy mınıstri.

2019 jyldyń 25 aqpanynan – Premer-mınıstrdiń birinshi orynbasary – qarjy mınıstri.

2020 jyldyń 18 mamyrynan bastap – Qazaqstan Respbýlıkasy Premer-mınıstriniń birinshi orynbasary.