Prezıdent Q.Toqaev májilis otyrysynda avtokólikterge salynatyn ýtılalymdy jeke kompanıa menshiginen alýdy tapsyrdy.
"Qoǵamda "Operator ROP" jeke kompanıasynyń qyzmetine baılanysty kóptegen másele bar. "Operator ROP" kompanıasy ýtılızasıalyq alym jınaýyn toqtatýdy tapsyramyn" dedi prezıdent.
Qazaqstanda shetelden kólik ákelý kezinde tólenetin ýtılalym mólsheri óte joǵary. Sonyń saldarynan shetelde arzan kólikter Qazaqstanǵa ákelingende ájeptáýir qymbattap ketedi. Ýtılalymdy jekemenshik "Operator ROP" kompanıasy jınaıdy. Kompanıaǵa Qazaqstannyń eks-prezıdenti Nursultan Nazarbaevtyń qyzy Álıa Nazarbaeva ıelik etetini týraly aqparat bar.
Pikir qaldyrý