Qazaqstanda suıytylǵan gaz baǵasynyń kóterilýinen bastalǵan  halyq narazylyǵy men onyń jappaı tártipsizdikke ulasýyna baılanysty túrki elderiniń sarapshylary pikir bildirdi.

Qyrǵyzstannyń burynǵy premer-mınıstri Felıks Kýlov Toqaev "qaýipsizdik kúshterine tolyq sene almaǵandyqtan Ujymdyq qaýipsizdik týraly shart uıymynan (UQSHU) kómek surady"dep sanaıdy.

– UQSHU kúshteri Qazaqstanda az ǵana ýaqytqa bardy. Reseı áskeriniń Qazaqstanǵa kómekke kelýi Qazaqstandy basyp alý áreketterin bildirmeıdi, – dedi Kýlov.

Qyrǵyz saıasattanýshysy Mederbek Qorǵanbaev Qazaqstandaǵy oqıǵalarǵa klandar arasyndaǵy kúres degen baǵa berdi.

– Buqaralyq aqparat quraldary Qazaqstandaǵy negizgi tıimdi sektorlar, munaı men shıkizat eksporty, kadr saıasaty, saýda men bıznes eks-prezıdent Nursultan Nazarbaevtyń bıliginde bolǵandyqtan ol qazirgi prezıdent Toqaevqa kadr quramdaryna ózgerister engizýge múmkindik bermeı, táýelsiz sheshimder qabyldaýǵa kedergi keltirip  qysym jasap jatyr, – deıdi saıasattanýshy.

Qorǵanbaev Qazaqstannyń syrtqy jáne ishki saıasaty qaıta qaralyp, elge jańa saıası reformalar qajet degen pikirde.

Túrkıa basylymdary Qazaqstandaǵy jappaı tártipsizdik Reseı tarapynan uıymdastyrylýy múmkin ekenin aıtady.

Túrkıa basylymdary Qazaqstandaǵy narazylyq pen terrorlyq toptyń áreketi  Reseıdiń oıyny bolýy múmkin dep jarysa jazdy. Jaqynda ǵana Ystambulda ótken túrki keńesin Reseı jatyrqamaı qaraǵandyǵyn da alǵa tartty.