Májilis eldegi jaǵdaıdy turaqtandyrýǵa baǵyttalǵan zań jobalaryn jedel qaraıtyn bolady. Bul týraly búgin palata tóraǵasy Nurlan Nyǵmatýlın jalpy otyrysta aıtty.
Májilis spıkeri atap ótkendeı, keshe ǵana májilistiń onlaın otyrysyna qatysqan memleket basshysy Qasym-Jomart Kemeluly Toqaev Qazaqstanymyzdyń aldynda turǵan negizgi maqsat-mindetterdi belgilep berdi.
Sonymen qatar, prezıdenttiń tapsyrmasy boıynsha elimizde buryn bolmaǵan jańa «Qazaqstan halqyna» qoǵamdyq qory qurylatynyn aıtqan palata spıkeri ol qor tikeleı áleýmettik saladaǵy mańyzdy máselelerdi sheshýmen aınalysady. Sonymen birge, eki aıdyń ishinde halyqtyń turmysyn jaqsartý baǵdarlamasy qabyldanatyn bolady.
Májilis tóraǵasy depýtattar Úkimetpen birlesip, osy jumystardy joǵary deńgeıde júzege asyrý kerektigin basa atap ótti.
Májilistiń baspasóz qyzmeti
Pikir qaldyrý