Asqar Qýanyshuly Omarov Qazaqstan Respýblıkasynyń aqparat jáne qoǵamdyq damý mınıstri bolyp taǵaıyndaldy. Bul týraly Aqorda saıty habarlady.

Asqar Omarov 1976 jyly Almaty qalasynda dúnıege kelgen. "Turan" ýnıversıtetin bitirgen.

1997-1998 jyldary - "Mádenıet problemalarynyń respýblıkalyq ǵylymı ortalyǵy" áleýmettik-ekonomıkalyq problemalar sektorynyń jetekshi mamany. 1998-1999 jyldary - "Qazaqstannyń shaǵyn bıznesi" jýrnalynda marketıń jónindegi maman, 2001-2005 jyldary - "RG" novostı nedelı" JSHS korespondenti, 2005-2006 jyldary - "Qazaqstan "RTRK" AQ - "Astana" fılıaly aqparattyq-taldaý baǵdarlamalary dıreksıasy Almaty búrosynyń shef-redaktory bolǵan.

Munan keıin túrli jeke uıymdarda basshylyq qyzmetter atqarǵan.

• 2008-2010 jyldary - "Nur-Medıa" JSHS dırektory, bas dırektorynyń orynbasary.
• 2011-2013 jyldary - "Túrki akademıasy" KEAQ vıse-prezıdenti.
• 2014 jyly - "Astana EKSPO-2017 "UK" AQ basqarýshy dırektory.
• 2016-2017 jyldary - qoǵamdyq qor prezıdenti.
• 2017-2020 jyldary - "QazAqparat" HAA JSHS bas dırektory.
• 2020 jyldyń qańtarynan bastap - "QazAqparat" HAA AQ basqarma tóraǵasy.