Ulttyq qaýipsizdik komıtetiniń baspasóz qyzmeti UQK-niń burynǵy tóraǵasy Kárim Másimovtyń orynbasary ustalǵanyn málim etti.
"Qazaqstan Respýblıkasy Ulttyq qaýipsizdik komıteti UQK-niń burynǵy Tóraǵasy K.Q.Másimovke qatysty memleketke opasyzdyq jasaý faktisi boıynsha sotqa deıingi tergeýdi jalǵastyrýda. Osy istiń sheńberinde bılikti kúshpen basyp alýǵa jáne laýazymdyq ókilettikterin asyra paıdalanýǵa baǵyttalǵan is-áreketter faktileri boıynsha qosymsha sotqa deıingi tergep-tekserýler bastaldy. Atalǵan qylmystardy jasady degen kúdikpen K.Másimovten basqa UQK Tóraǵasynyń burynǵy orynbasary – "A" arnaıy maqsattaǵy qyzmetiniń bastyǵy A.Sadyqulov pen UQK Tóraǵasynyń burynǵy orynbasary D. Erǵojın ustaldy" delingen aqparattyq habarlamada.
6 qańtarda UQK-niń burynǵy tóraǵasy Kárim Másimov pen basqa da tulǵalar ustalyp, ýaqytsha ustaý ızolátoryna qamalǵan. Másimovke qatysty Qylmystyq kodekstiń 175-baby 1-bóligi (memleketke opasyzdyq jasaý) boıynsha sotqa deıingi tergeý bastalǵan.
Nur-Sultan qalasynyń Tergeý soty Másimovty 2 aıǵa qamaýǵa alǵan.
Pikir qaldyrý