Bas prokýratýra prezıdent Qasym-Jomart Toqaevtyń tapsyrmasy boıynsha elde oryn alǵan tártipsizdikterdiń barlyq sebepteri men egjeı-tegjeılerin anyqtaý úshin jumys júrgizilip jatqanyn habarlady.

"Búginde tergeý-jedel toptar 494 qylmystyq isti tergep jatyr. Onyń ishinde 44-i terorızm aktisi, 34-i jappaı tártipsizdik jáne 15-i kisi óltirý faktisi" delingen habarlamada.

Tótenshe jaǵdaı kezinde jasalǵan quqyq buzýshylyqtar boıynsha ákimshilik is qozǵaý týraly 6966 hattama toltyrylǵan.

"4918 adam ákimshilik jaýapkershilikke tartyldy, onyń ishinde 1978 adam qamaýǵa alyndy. 791 adamǵa aıyppul salynyp, 2149 adamǵa eskertý jasaldy" dep habarlady prokýratýra.

Qylmys jasady degen kúdikpen 524 adam ýaqytsha ustaý ızolátorlaryna qamalǵan. Sot sanksıasymen 412 adam qamaýǵa alyndy.

2 qańtarda Mańǵystaý  oblysynyń turǵyndary suıytylǵan gazdyń qymbattaýyna baılanysty mıtıńke shyǵyp, uzamaı eldiń ózge óńirlerinde de halyq narazylyǵy ótken. Beıbit mıtıń túrinde bastalǵan narazylyq sharalarynyń sońy jappaı tártipsizdikke ulasqan. Sonyń saldarynan Almaty, Taldyqorǵan qalalary qatty zardap shekti. Tártipsizdikter kezinde ákimdik ǵımaraty órtendi, Prezıdent rezıdensıasy basyp alyndy. Dúkender, saýda ortalyqtary, bank keńseleri men bankomattar tonaldy.

Narazylyq kezinde zardap shekkender, adam shyǵyny bolǵan oqıǵalardyń jalpy sany jarıalanbady.