Halyk Bank óz qarajatynan 3 mlrd teńge baǵyttaıdy. Bul qarajatty shaǵyn jáne mıkro bıznes sektoryndaǵy zardap shekken kásipkerlerge kómek retinde, sondaı-aq qıraǵan nysandardy tez arada qalpyna keltirý jáne shuǵyl sheshimdi talap etetin basqa da mindetterge jumsalady.
Buǵan deıin Halyk Bank basshysy Úmit Shaıahmetova Atameken Business telearnasynda bergen suhbatynda terorıstik shabýyl jáne jappaı tártipsizdiktiń joıqyn saldaryn jeńýge kómektesýge daıyn ekenin aıtqan bolatyn.
– Meniń oıymsha, qazirgi jaǵdaıda kúshimiz birlikte. Kez kelgen qıyndyq, kez kelgen jaýǵa qarsy turýymyz kerek. Men óz elimdi óte jaqsy kóremin jáne árbirimiz qolymyzdan kelgenshe kómek berip, jaqsylyqtyń jarshysy bolýymyz qajet. Osy qıyn-qystaý kúnderde barlyǵy beıbit ómirdiń óte názik ekenin jáne eń basty qundylyǵymyz - adam ómiri men densaýlyǵy ekenin sezindik. Sondyqtan, barshańyzǵa men árdaıym beıbitshilik, densaýlyq, tynyshtyq jáne jaqsylyq tileımin, – dep atap ótti Úmit Shaıahmetova.
Pikir qaldyrý