Jańaózen turǵyndaryna qoldaý bildirý maqsatynda Oral qalasynda ótken beıbit mıtıńke shyqqany úshin qamaýǵa alynǵan belgili quqyqqorǵaýshy Abzal Quspan bostandyqqa shyqty. Bul týraly ol óziniń facebook paraqshasynda málim etti.

"Qurmetti áriptesterim, meniń jáne meni qoldaǵan basqa da janashyr aǵaıyn! 6 qańtardan bastap ınternetke qolym endi jetip jatyr, Sizderdiń jazǵandaryńdy endi oqyp bastadym, bárińizge de basymdy ıip turyp alǵys bildiremin" delingen advokattyń jelidegi jazbasynda.

Abzal Quspan mıtıńke jańaózendikterdi qoldaý úshin jáne beıbit jıynda arandatýshylyqqa jol bermes úshin shyqqanyn aıtqan.

Búginde respýblıkanyń kóptegen qalalarynda ótken halyq narazylyǵyna qatysqany úshin, beıbit jıyndardan habar taratqany úshin birqatar qoǵam belsendileri, jýrnalıser qamaýda jatyr. Eshteńe túsindirmesten polısıa qstap alyp ketken, iz-tússiz joǵalǵandar sany odan da kóp.