Belgili saıasattanýshy Sanjar Boqaev áleýmettik jelidegi paraqshasynda prezıdent Qasym-Jomart Toqaevqa beıneúndeý joldap, alty usynys aıtty.

"Birinshiden, eski kadr saıasatynan bas tartý kerek. Al siz sol burynǵy adamdardy qaıta qoıyp jatyrsyz. Bulaı bolmaıdy. Biz onsyz da 30 jyl osyny kórip kele jatyrmyz. Munyń eshqandaı tıimdiligi joq. Eger basshy jemqor bolyp nemese tıimsiz jumys istese, onda ol qol astyna týra sondaı adamdy jumysqa alady. Bul – barlyq memlekettik organdarda jaılaǵan.

Ekinshiden, zańsyz ketken aqshalardy halyqqa qaıtarý kerek. Ol halyqtyń aqshasy. Eger sizder eń bolmaǵanda aqshanyń kishkene bóligin  10, 20 mlrd dollardy qaıtarsańyzdar onda bul – ekonomıkamyzǵa jańa serpin beredi. Sizder qoǵamnyń saıası áleýmettik jaǵdaıyn jaqsarta alasyzdar. Bul  –sizderge kelesi saılaýda kómektesedi.

Úshinshiden, ádil saılaý júıesin qurý kerek. 30 jyl boıy saılaý qorytyndysyn burmalap kelgenine kýá boldyq. Halyq daýys berip turyp ishinen aldanyp turǵandaryn sezip turady. Buǵan jol bermeý kerek. Parlamenttegi myna adamdarmen eshteńe ózgerte almaısyzdar.

Tórtinshiden, eski óndiristik saıasatynan bas tartý kerek. Ol múlde tıimsiz. Men qansha jyl boıy avtokólikterdiń tek dóńgelegin salyp "otandyq" dep shyǵaratyndaryna kýá bolyp kelemin. Bul – naǵyz aldaý.

Besinshiden, qala jáne oblys ákimderin halyq ózi saılaýy kerek. Sebebi halyq saılaǵan ákim óz jaýapkershiligin sezinedi. Halyqty oılamaıtyn ákimderdi qaıta-qaıta qoıa beredi aýystyryp.

Altynshydan, prezıdenttiń qoǵamdyq qabyldaý oryndaryn búkil oblystarda ashý kerek. Bul – máseleniń qaıda jáne nede jatqanyn kórsetedi. Ózimizdiń álsiz jaqtarymyzdy kóre alamyz. Nelikten adamdar Astanaǵa baryp, ózderiniń aryz-talaptaryn bildiredi. Óıtkeni jergilikti memlekettik organdar jumys istemeıdi. Saıası partıalar tıisti mindetterin oryndamaıdy" delingen vıdeoúndeýde.

 

 

 

Posmotret etý pýblıkasıý v Instagram

 

 

 

Pýblıkasıa ot Sanjar Bokaev (@sanzhar_bokayev)