Tımýr Qulybaev "Atameken" Ulttyq kásipkerler palatasy tóraǵasy qyzmetinen ketti. Bul týraly aqparat kásipkerler palatasynyń resmı saıtynda jarıalandy.

"Sıez delegattary men tóralqa múshelerine maǵan senim bildirgeni úshin alǵys aıtamyn. Ulttyq kásipkerler palatasynyń joǵary baqylaý organyn segiz jyl boıy  basqarý men úshin úlken qurmet pen jaýapkershilik boldy" delingen Qulybaev málimdemesinde.

Tımýr Qulybaev Qazaqstannyń eks-prezıdenti Nursultan Nazarbaevtyń ortanshy kúıeý balasy. Áıeli Dınara Qulybaeva ekeýiniń ortaq kapıtalyn qosqanda Qazaqstandaǵy eń baı adam bolyp shyǵady.

Qaýipsizdik keńesiniń tóralyǵy N.Nazarbaevtan Q.Toqaevqa ótkeli Nazarbaevtyń osymen úshinshi kúıeýbalasy qyzmetinen ketti.

Buǵan deıin "QazTransOıl" AQ basqarma tóraǵasy Dımash Dosanov pen "QazTransGaz "UK "AQ basqarma tóraǵasy Qaırat Sháripbaev qyzmetinen bosatylǵan.