Prezıdent Qasym-Jomart Toqaevtyń buıryǵymen Samat Satybaldyuly Ábish Ulttyq qaýipsizdik komıteti Tóraǵasynyń birinshi orynbasary laýazymynan bosatyldy.
Samat Ábishtiń qyzmetinen ketkeni týraly beıresmı aqparat alǵash 5 qańtarda shyqqan. Alaıda 14 qańtarda Ulttyq qaýipsizdik komıteti aldymen Samat Ábish qyzmetinde ekenin, jylsaıynǵy demalysynda júrgenin málim etken. Biraq ol jerde onyń demalysqa qashan shyqqany jazylmaǵan.
Komıtet aqparatynan keıin áleýmettik jelide Samat Ábishteı ulttyq qaýipsizdikke jaýapty organ basshysynyń birinshi orynbasary elde dúrbeleń bolyp jatqanda qalaı ǵana demalysta júredi dep jazýshylar bolǵan.
Artynsha, ulttyq qaýipsizdik komıteti Samat Ábishtiń demalysta ekeni týraly aqparatty tolyqtyryp, onyń demalysy 13 qańtardan bastalǵanyn jazdy.
Samat Ábish Qazaqstannyń burynǵy prezıdenti Nursultan Nazarbaevtyń týǵan inisi Satybaldy Nazarbaevtyń balasy.
Pikir qaldyrý