Basylym qańtardyń basynda táýelsizdik tarıhynda bolmaǵan tártipsizdik bastalǵaly Nazarbaev jurt aldyna shyqpaǵanyna nazar aýdarǵan.

Brıtanıalyq aqparat resýrsy Nazarbaevtyń qaıda ekeni týraly túrli áńigime taraǵanyn, tipti onyń ólip qalǵany týraly da aqparat shyqqanyn aıta kele, óz derekkózderine súıenip, Nazarbaev el astanasynda bolýy múmkin ekenin jazady.

"Nazarbaev tiri, qazir Toqaevpen aktıvterdi, paıdaly qazbalardy, rentany (kapıtal, qundy qaǵazdar, múlik, jerden turaqty túsip turatyn tabys) bólisý boıynsha jan alysyp, jan berisken kelissóz júrgizip jatyr" degen basylymǵa Qazaqstanda senimdi baılanystary bar burynǵy batystyq sheneýnik.

The Guardian "Toqaev óziniń burynǵy jarylqaýshysy (Nazarbaev - red) men Nazarbaev áýletinen bılikti alý úshin repressıaǵa bardy, olardyń keıbirin bılikti tóńkermek boldy dep aıyptady" dep jazady.

Batystyq sheneýnik bılikke talas jalǵasyp jatqanyn, bári tynysh aıaqtalatynyna esh kepildik joq ekenin jazǵan.

Basylym Nazarbaevtyń burynǵy keńesshisi Ermuhamet Ertisbaevtyń "Nazarbaev Qazaqstanda" degen pikirine de nazar aýdarǵan.