Densaýlyq saqtaý mınıstri Ajar Ǵınıat eldegi sanıtarlyq-epıdemıologıalyq jaǵdaıdy baıandady.
– Qazaqstanda "Omıkron" tez taralyp, búgingi kúni Túrkistan oblysynan ózge óńirlerdiń bári "qyzyl" aımaqqa ótti. Eldegi epıdemıologıalyq kórsetkishter KVI-diń "Omıkron" túriniń taralýyn rastap otyr. Sońǵy aıda KVI-men aýyrý 19,6 ese, reprodýktıvtilik san 2 ese, KVI-ge testileýdiń táýliktik kólemi 3,5 ese ulǵaıdy jáne táýligine 50 myńnan astam test jasalýda. Aýrý kóbeıse de, sońǵy aıda ólim-jitim az, 2,5 ese tómendedi. Stasıonarlarda em alatyn pasıentterdiń sany 2 esege, ambýlatorıalyq deńgeıdegi aýrýlardyń sany 5 esege artty, – dedi A. Ǵınıat ortalyq komýnıkasıalar alańyndaǵy brıfıńte.
Onyń aıtýynsha, KVI-men táýliktik syrqattanýshylyqtyń 60%-dan astamy 3 aımaqta tirkelip otyr.
– Nur-Sultan qalasynda aýrý 32 ese ósip, bul rette testileý deńgeıi el boıynsha eń joǵary jáne táýligine 10 myńnan astam testileýdi qurap otyr. Biraq bas qalada halyqty vaksınasıalaý qarqyny 1,5 ese jáne revaksınasıalaý qarqyny 4 ese tómen.
Almaty qalasynda SARS-CoV2 aýrýy 8 ese ósti. Testileý deńgeıi qalpyna keltirilip, aǵymdaǵy jyldyń qańtarynan bastap 3,5 esege artty. Vaksınasıa qarqyny 1,6 ese jáne revaksınasıa qarqyny 3 esege tómendep otyrǵanyn eskertemiz.
Qaraǵandy oblysynda syrqattanýshylyq 9 ese ósti. Al vaksınasıa qarqyny 3 ese jáne revaksınasıa qarqyny 3,5 ese tómendep otyr, – dep atap ótti mınıstr.
Pikir qaldyrý