Densaýlyq saqtaý mınıstri Ajar Ǵınıat Qazaqstanda lokdaýn engizilmeıtinin málimdedi.
Onyń aıtýynsha, aldaǵy ýaqytta shekteý sharalary óńirlerdegi epıdemıologıalyq jaǵdaıǵa baılanysty qoldanylmaq.
– Búginde el aýqymynda lokdaýn engizý josparlanǵan joq. Biz qoldanyp otyrǵan barlyq shekteý sharalary Densaýlyq saqtaý júıesine júktemeni azaıtýǵa, koronavırýstyq ınfeksıadan bolatyn ólim-jitimdi azaıtýǵa, densaýlyq saqtaý júıesiniń qyzyp ketýine jol bermeýge baǵyttalǵan, al shuǵyl kómek barlyq halyqqa qoljetimdi, – dedi Ajar Ǵınıat.
Mınıstr elde "Omıkron" shtamy tez taralyp jatqanyn jáne búginde Túrkistan oblysyn qospaǵanda, barlyq óńir "qyzyl" aımaqta turǵanyn atap ótti.
– Sońǵy aıda ólim sany 2-2,5 ese azaıdy. Ósý úrdisi joq. Sońǵy aıda stasıonarlarda em alatyn pasıentter sany 2 esege, ambýlatorıalyq deńgeıde 5 esege artty, – dedi ol.
Pikir qaldyrý