Sheteldegi oppozısıoner bankır, Qazaqstanda ekstremıstik dep tanylǵan "Qazaqstannyń demokratıalyq tańdaýy" qozǵalysynyń jetekshisi Muhtar Áblázov azamattardy qalalarda mıtıńke shyǵýyna baılanysty Almatyda alańdar qorshaýǵa alynyp, polısıa qyzmeti kúsheıtilgen rejımge ótti.
Almaty polısıa basqarmasy arnaıy eskertý jarıalap, elde terrorǵa qarsy operasıanyń júrgizilip jatqany týraly aqparat taratty.
Polısıa Abylaı han kóshesiniń boıymen Maqataev kóshesinen Bógenbaı batyr kóshesine deıin, soltústik jáne ońtústik baǵytta, Tóle bı dańǵyly boıymen Jeltoqsan kóshesinen Nazarbaev dańǵylyna deıin, shyǵys jáne batys baǵytta qozǵalys shekteletinin málim etti.
Qazirgi ýaqytta Almatyda eski alań atalyp ketken Astana alańy aýmaǵy qorshaýǵa alynǵan. Alań mańynda polısıa men SOBR qyzmetkerleri kóptep júr. Mıtıń orny retinde belgilengen alańǵa jaqyn jerde júrgen adamdardyń qujaty tekserilip jatyr.
Sondaı-aq Saıahat avtobeketi mańynda da polısıa qyzmeti kúsheıgen.
Mıtıń orny retinde belgilengen jerlerde belsendiler, mıtıńke shyqqandar áreketi baıqalmaıdy.
Pikir qaldyrý