Jýrnalıs Vadım Boreıko ýtılalym jınaıtyn jańa uıym retinde belgilengen "Jasyl damý" aksıonerlik qoǵamyna burynǵy operator "ROP"-tyń qojaıyny, eks-prezıdent N.Nazarbaevtyń kenje qyzy Álıa Nazarbaevanyń qatysy bar ekeni týraly jazdy.
Jýrnalıs "Jasyl Damý" AQ buryn Ekologıa, geologıa jáne tabıǵı resýrstar mınıstrligine qarasty bolǵanyn, al byltyr "Qorshaǵan ortany qorǵaý jónindegi aqparattyq-saraptamalyq ortalyqpen" birge "Halyqaralyq jasyl tehnologıalar jáne ınvestısıalyq jobalar ortalyǵyna" (is júzinde qazaqstandyq) berilgenin málim ette.
"Bul ortalyq Qazaqstan ekonomıkasyn jasyl ekonomıkaǵa ótkizý úrdisine, ıaǵnı kómirdi qoldanýdy toqtatyp, jańartylatyn energıa kózderin tutynýǵa kóshý isine jaýapty. Bul maqsatta memleket 40 jyldyń ishinde 650 mıllıard dollar jumsamaq. Ony sheteldik bankterden qaryzǵa alady. Endi báske qansha aqsha tigilgenin elestete berińiz. Bastapqyda Halyqaralyq jasyl tehnologıalar jáne ınvestısıalyq jobalar ortalyǵynyń jalǵyz quryltaıshysy Ekologıa mınıstrligi bolǵan. Keıin ortalyq aksıasynyń 50%+1 úlesi Qazaqstannyń ekologıalyq uıymdary qaýymdastyǵyna satyldy. Qaýymdastyqtyń eki quryltaıshysy bar. Biri – Álıa Nazarbaevanyń jeke qory men G-Global koalısıasy. Birinshi quryltaıshynyń esimi ózinen ózi-aq bárin aıtyp tur" deıdi jýrnalıs.
Vadım Boreıko ekinshi quryltaıshy G-Global koalısıasynyń úsh quryltaıshysy baryn aıtady. Olardyń bári "Aýyl" partıasy tóraǵasynyń orynbasary Tóleýtaı Rahymbekov pen onyń qyzy Álıaǵa tıesili kompanıalar.
Qazaqstannyń ekologıalyq uıymdary qaýymdasty basqarma tóraǵasy Aıgúl Solovóva bolsa, Halyqaralyq jasyl tehnologıalar jáne ınvestısıalyq jobalar ortalyǵy dırektorlar keńesiniń tóraǵasy, "Azamattarǵa arnalǵan úkimet" korporasıasynyń burynǵy basshysy Danıar Erenshinov. Jýrnalısiń sózinshe, sońǵysy birneshe jyl buryn Maltanyń azamattyǵyn alǵan. Jýrnalıs ortalyqty "sonda shetel azamaty nemese qosazamattyǵy bar adam basqaryp otyr ma" dep saýal qoıady.
Eskerte keterligi, Qazaqstanda qosazamattyqqa tyıym salynǵan.
19 qańtarda Úkimet "ÓKM Operatory" JSHS-nyń (Operator ROP) qyzmetin toqtatý týraly sheshim qabyldap, ýtılızasıalyq alym qarajaty esebinen qurylǵan aktıvter memleket menshigine berilgenin málimdegen. Óndirýshilerdiń keńeıtilgen mindettemelerin, ákimshilendirý fýnksıalaryn memlekettik uıym – "Jasyl damý" AQ oryndaıtynyn habarlaǵan.
Pikir qaldyrý