Bilim jáne ǵylym mınıstrligi 2022 jyldyń 1 qyrkúıeginen bastap stýdentterdiń shákirtaqysy taǵy da ósetinin habarlady.

Mınıstrlik taratqan aqparatqa súıensek, bakalavrlarda oqıtyndardiki – 20%-ǵa, magıstranttar men doktoranttarda oqıtyndardiki – 15%-ǵa artady.

Ótken jyly stıpendıa dál osyndaı mólsherde óskenin bolatyn (15% jáne 20%). 
– Endi osy jyldyń qyrkúıek aıynan bastap pedagogıka mamandaryn daıarlaý baǵyty boıynsha oqıtyn stýdentter – 58 myń teńgeden astam, basqa baǵyttar boıynsha bilim alatyndar – 37 myń teńgege jýyq shákirtaqy ala bastaıdy. Magıstranttardyń shákirtaqysy – 86 987 teńgege deıin, doktoranttardyń shákirtaqysy – 195 000 teńgege deıin ósedi, – dedi. BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.