Soltústik Koreıa teńizge qysqa qashyqtyqtaǵy eki balıstıkalyq zymyran ushyrdy. Bul týraly beısenbi kúni Ońtústik Koreıa men Japonıa málim etti.

"Yonhap" aqparattyq agenttiginiń málimetine sáıkes, Ońtústik Koreıanyń Birikken shtab bastyqtary jýrnalıserge jibergen mátindik habarlamada "bul altynshy ushyrylym" ekeni aıtylǵan.

Aqparattyq agenttik zymyran shamamen 20 km bıiktikte 190 km ushyp ótkenin jarıalady.

"Bizdiń áskerıler Soltústik Koreıanyń tıisti qozǵalystaryn muqıat qadaǵalap, daıyndyq kúıin saqtaýda" delingen Ońtústik Koreıanyń Birikken shtab bastyqtarynyń jýrnalıserge jibergen habarlamasynda.

Japonıa premer-mınıstri Fýmıo Kıshıda ushyrýlar týraly egjeı-tegjeıli aqparat áli de jınalyp jatqanyn, biraq kez kelgen balıstıkalyq zymyran synaqtary "óte ókinishti" jaǵdaı ekenin málimdedi. Ol bundaı áreketter Birikken Ulttar Uıymy Qaýipsizdik keńesiniń qararlaryn buzatynyn aıtty.