Halyq saılaǵan depýtattar halyq múddesi jolynda qyzmet etýge tıis. Osyny depýtattar jadyna myqtap túıýi kerek. Ázirge bizdiń depýttattar halyq arasynda bedelge ıe emes. Bulaı dep prezıdent Q.Toqaev "Nur Otan" partıasynyń kezekten tys XXI sezinde aıtty.
– Partıa músheleriniń aımaqtardaǵy ózekti áleýmettik-ekonomıkalyq máselelerdi sheshýge atsalysýyn kúsheıtý qajet. Aımaqtardaǵy jumysty keıde ákimnen basqa eshkim kórsetpeıdi. Jurtshylyq aımaqtardaǵy partıanyń róli týraly bile bermeıdi. Óıtkeni depýtattardyń ózi bul máseleden qashqaqtaıdy. Sondyqtan "Nur Otan" máslıhattary depýtattarynyń el aldyndaǵy reıtıńin engizý asa mańyzdy. Azamattar halyq qalaýlylary halyqtyń ál-aýqatyn kóterý, eldegi ómir sapasyn jaqsartý jolynda ne istep jatqanyn kórip, túsinýi kerek, – dedi ol.
Toqaev sondaı-aq aldaǵy reformalardy sapaly túrde zańnamalyq turǵyda qamtamasyz etý úshin partıanyń májilistegi fraksıasyn jańǵyrtý kerektigine nazar aýdardy.
– Fraksıa músheleri formalızmnen alys bolyp, qatyp qalǵan qalyptan shyǵýy kerek. Qoǵam ókilderimen kóbirek baılanys ornatýy qajet, – dedi prezıdent.
Pikir qaldyrý