Prezıdent Qasym-Jomart Toqaev UQSHU bitimgershilik kontıngentiniń qańtardaǵy tártipsizdikter kezeńine qatysýyna qatysty túsinik berdi.

– UQSHU-ǵa ótinish bildirgende, men bóten adamdarǵa emes ózime jáne odaqtastaryma júgindim. (...) Qazaqstanǵa kelgen UQSHU bitimgershilik kontıngenti birde-bir oq atqan joq. Basynan bastap bul kontıngent qaýipsizdikti qamtamasyz etý, ıaǵnı strategıalyq nysandardy qorǵaý fýnksıalaryn oryndaıdy degen ýaǵdalastyqqa qol jetkizildi. Qalǵan suraqtardy biz ózimiz sheshemiz. Bizge tyl kerek edi. Bitimgershilik kontıngentiniń Qazaqstanǵa kelýi týraly habardyń ózi bandıtter úshin óte mańyzdy psıhologıalyq, qorqynyshty ról atqarǵanyn jaqsy túsiný kerek. Bul kúsh ekeni túsinikti. Aıtpaqshy, bul –Reseıden basqa Belarýs, Tájikstan, Armenıa jáne Qyrǵyzstannyń áskerı bólimderi birikken kontıngent, – dep túsindirdi Toqaev.

Suhbat barysynda ol "Qazaqstan endi Reseıge qaryz" degen pikirge  túsinik berdi.

– Men Vladımır Vladımırovıch Pýtınmen kóp sóılessem de mundaı eshqandaı áńgime bolmady dep jaýapkershilikpen aıtamyn, biz keıinirek eseptesemiz degen de, árıne, bolmady. Kremldiń aldyn ala sharttary da bolǵan joq. Aqyr sońynda Reseı Qazaqstan úshin odaqtas memleket, – dedi Toqaev.